Batys Qazaqstan oblysynda Qaraózendegi sý deńgeıi 7 metrge jýyqtady
ORAL. KAZINFORM – Batys Qazaqstan oblysynda keıingi táýlikte Jaıyq pen Qaraózende sý deńgeıiniń edáýir kóterilgeni baıqalady.
«Qazgıdromet» RMK BQO fılıalynyń dırektory Tilegen Shapanovtyń málim etkenindeı, Kaztalov aýdanynda Qaraózen Qaıyńdy aýylynda 585 (+32, qaýipti shegi – 1 700 sm), Jalpaqtal tusynda 690 (+24, qaýiptisi – 820 sm) santımetrdi kórsetti, ıaǵnı 7 metrge jýyqtady.
Fılıal dırektorynyń sózine qaraǵanda, oblystyń bas ózeni Jaıyqtaǵy sý deńgeıi Bórli aýdany Jarsýat gıdrobeketinde 479 (+28, qaýipti shegi – 1 myń sm), Báıterek aýdany ıAnvartsevte 379 (+17), Oral qalasynda 327 (+12, 850 sm), Kóshimde 342 (+15), Aqjaıyq aýdany Mergende 486 (+12), Taıpaqta 228 (+22) santımetr boldy.
Sondaı-aq Elek ózeni Shyńǵyrlaý aýylynda 3 (195 sm), Báıterekte Rýbejka 14 (366 sm) santımetrge kóterilgenimen, qaýipti shekterinen alys jatyr. Basqa ózenderdiń bárinde aǵys báseńdedi.
Eske sala keteıik, budan buryn Jaıyq ózenindegi sý deńgeıi qanshaǵa deıin kóterilýi múmkin ekenin jazǵan bolatynbyz.
