Batys Qazaqstanda Qaraózendegi sý deńgeıi 630 santımetrden asty

ORAL. KAZINFORM – Batys Qazaqstan oblysynda bastaýyn Reseıden alatyn ózenderdiń biri – Qaraózendegi sý deńgeıi sońǵy táýlikte kóterilgeni baıqalady.

«Qazgıdromet» RMK BQO fılıalynyń dırektory Tilegen Shapanovtyń málim etkenindeı, Qaraózen Kaztalov aýdany Jalpaqtal aýyly tusynda 632 santımetrge (+25, qaýipti shegi – 820 sm) jetti. Sondaı-aq Qaıyńdy aýylynda 515 sm (+27, 1 700 sm) boldy. 

Kaztalov aýdany aýmaǵymen aǵatyn Saryózendegi sý deńgeıi tómen, Qoshankól tusynda 1 santımetrge ǵana (407 sm, qaýiptisi – 1 300 sm) kóterilgen.

Transshekaralyq Jaıyq ózeni Reseıdiń Orynbor qalasynda 501 (+32, qaýiptisi – 930 sm), Elekte 419 (+22, 890 sm) santımetrdi kórsetti. 

Jaıyqtyń aryny Batys Qazaqstan oblysy aýmaǵynda da qaıta qoıǵan joq. Sonyń ishinde Oral qalasynda 315 (+42, 850 sm) sm bolsa, Aqjaıyq aýdany Mergen aýylynda 455 santımetrge jetti. 

Sondaı-aq Shaǵan ózeni Báıterek aýdany Chývashın aýylynda 928 (+8, 1 300 sm), Mıchýrınde 446 (+2, 1 100 sm) santımetr boldy. 

Eske sala keteıik, budan buryn Jaıyq ózenindegi sý deńgeıi Orynbor tusynda 470 santımetrge jýyqtaǵanyn jazǵan edik.

Sondaı-aq Oralda tasqyn kezinde jaramsyz bolǵan 700 saıajaı úıi buzylmaı qalyp otyr.