Batys Qazaqstanda qar kúrt erip, joldy buzyp ketti

ORAL. KAZINFORM — Batys Qazaqstan oblysy Terekti aýdany Dýana eldi mekenine baratyn joldy qar sýy buzyp ketkeni jóninde áleýmettik jelide beınejazba jarııalandy.

Beınejazbada er adam aýdandyq mańyzy bar Saryómir-Dýana joldyń ústimen erigen qar sýynyń aǵyp jatqany jóninde aıtady.

— Qar sýy joldy 24 naýryz kúni buzyp ketti. Búgin, 25 naýryzda aǵys báseńdegen, — deıdi turǵyn.

Osyǵan oraı Kazinform tilshisi Terekti aýdany ákimdigine arnaıy saýal joldaǵan edi.

Aýdan ákiminiń orynbasary Darhan Abdrashıtovtyń málim etkenindeı, 24 naýryz kúni dala qarynyń kúrt erýine baılanysty Dýana aýylynyń kireberis jolynyń 3,5 shaqyrym bóliginde sý tasýy oryn aldy.

Posmotret etý pýblıkatsııý v Instagram

Pýblıkatsııa ot glazaminaroda _kz (@glazaminaroda_kz)

— Dýana eldi mekenine qatynas bar. Kezekshilik uıymdastyryldy. Qazirgi ýaqytta sýdyń deńgeıi túsip, tasý azaıdy. Jaǵdaı qatań baqylaýda. Saryómir men Dýana aýylynyń arasy 25 shaqyrym. Dýanada 25 úı bar, — dedi D. Abdrashıtov.

Eske sala keteıik, budan buryn Batys Qazaqstanda erigen qar sýy joldyń ústine shyǵyp ketkenin jazǵan bolatynbyz.