Batys Qazaqstanda qar qatty erip, ózenderde sý tasýy yqtımal

 ORAL. KAZINFORM — Batys Qazaqstan oblysynda 25-28 naýryz aralyǵynda kún jylynyp, qar qatty erýi múmkin.

BQO TJ departamentiniń baspasóz qyzmetinen málim etkenindeı, osy kúnderi jańbyr jaýýy da yqtımal.

Ásirese, 26 naýryzda óńirdiń keı jerlerinde qatty jańbyr jaýady.

«Qardyń qarqyndy erýi saldarynan sý aǵyny qalyptasady. Muzdyń qalyńdyǵy setinep, ózenderde sý deńgeıi kóterilip, tasqyn bolýy múmkin. Osyǵan baılanysty eskertý jarııalanyp, tótenshe jaǵdaılardyń aldyn alý baǵytynda tıisti is-sharalar qolǵa alynyp jatyr», dep habarlady vedomstvodan.

25 naýryz kúni oblystyń birqatar jerinde, Oral qalasynda tuman túsýi múmkin.

Eske sala keteıik, budan buryn Batys Qazaqstanda tasqyn sýdan keler qaýip qandaı ekendigin jazǵan bolatynbyz.