Batys Qazaqstanda epıdemıolog mamandar jetispeıdi

ORAL. KAZINFORM — Batys Qazaqstan oblysynda epıdemıolog mamandardyń jetispeýshiligi baıqalady.

BQO sanıtarııalyq-epıdemıologııalyq baqylaý departamentiniń basshysy Dınara Jańabergenovanyń málim etkenindeı, oblys kóleminde shtat boıynsha 196 epıdemıolog maman bolýy kerek.

Onyń sózine qaraǵanda, qazirgi tańda óńirde 183 epıdemıolog qyzmet etip júr. Áli de 13 maman qajet.

- Ár aýrýhanada epıdemıolog mamannyń bolýy mańyzdy. Kúni búgin úsh aýdanda epıdemıolog jetispeı otyr, - dedi D.Jańabergenova.

Departament basshysynyń aıtýynsha, turǵyndardyń sanıtarııalyq saýattylyǵyn arttyrý, juqpaly aýrýlardyń taralýyna jol bermeý, aldyn alý is-sharalaryn túsindirý baǵytynda tıisti jumystar atqarylyp keledi.

- Bilim berý uıymdarynda, eńbek ujymdarynda jáne halyq kóp shoǵyrlanǵan jerlerde semınar-dárister uıymdastyrylyp, mamandar ınfektsııalyq aýrýlardyń taralý joldary, aldyn alý sharalary, jeke gıgıena, durys tamaqtaný men salaýatty ómir salty týraly jan-jaqty málimet beredi. Sondaı-aq departament bólimsheleri jergilikti atqarýshy organdarmen birlese otyryp, epıdemıologııalyq ahýalǵa qatysty jedel aqparatpen bólisip, turǵyndardy naqty ári shynaıy málimetpen qamtamasyz etý jumysyn júıeli túrde oryndap otyr, - dedi D.Jańabergenova.

Eske sala keteıik, budan buryn BQO-da 5 100 qyz balanyń jatyr moıny obyryna qarsy egilgenin jazǵan edik.