Batys Qazaqstanda jeti dala órti tirkeldi
ORAL. KAZINFORM – Batys Qazaqstan oblysy aýmaǵynda 1,6 gektardy sharpyǵan 7 dala órti boldy.
Oral qalasy tótenshe jaǵdaılar basqarmasynyń bastyǵy Nursultan Serikovtiń óńirlik kommýnıkatsııalar qyzmeti alańynda ótken brıfıngte málim etkenindeı, Ekologııa jáne tabıǵı resýrstar mınıstrliginiń buıryǵyna sáıkes memlekettik orman qorynyń jerlerinde órttiń qaýipti maýsymy 6 sáýirden bastalady. Soǵan qaramastan, dalany qazirdiń ózinde jalyn sharpý derekteri tirkeldi.
Onyń sózine qaraǵanda, ótken jyly órt qaýpi kezeńinde 22 tabıǵı órt boldy, bul 2024 jylǵydan (19) 13,6 paıyzǵa kóp. Sonyń ishinde 15 orman (2024 jyly – 4, 3,7 ese), 6 dala (14, 2,3 esege kem), 1 egistik (1) órti, dalada 121 (129, 3,9 paıyzǵa az) janý oqıǵasy boldy.
- Órttiń jalpy aýdany 6 235 ga (2024 jyly – 7 690,5 ga, 23,8 paıyzǵa az) bolsa, ony sóndirý kezinde jaraqat alǵandar (2024 jyly – 1 adam) tirkelgen joq. Alaıda órtten keltirilgen shyǵyn kólemi 2 mln 968,5 myń teńgege jetip, 2024 jylǵydan (617,3 myń teńge) 4,8 esege asyp tústi, - dedi N.Serikov.
Onyń aıtýynsha, BQO TJD jasaǵynda 186 tehnıka (negizgi – 92, arnaıy – 13, qosymsha – 86) jáne jeke quramdy órt ornyna jedel jetkizý úshin 9 tehnıka (avtobýs – 2, vahtalyq kólik – 7) bar. Órt sóndirýge tartylǵan kúshtermen radıobaılanys ornatý úshin komandalyq-shtabtyq mashına paıdalanylady, ol barlyq iri tabıǵı órtterge tartylatyn bolady.
- Oblys boıynsha jergilikti atqarýshy organdar qurǵan 46 órt sóndirý beketi bar, olardyń 12-si jyl boıy jumys isteıdi, al qalǵan 34-i maýsymdyq túrde — mamyrdan qarashaǵa deıin qyzmet etedi. Bul beketter 207 eldi mekendi jáne olardyń aınalasyndaǵy 20 km radıýstaǵy dalalyq aýmaqtardy órtten qorǵaýdy qamtamasyz etedi. Tabıǵı órtter men janýdyń aldyn alý jáne sóndirý úshin búgingi kúni eldi mekenderde 2 033 adamnan turatyn 446 erikti órtke qarsy quralym quryldy. Bularda 248 tehnıka (sý tasıtyn kólikter, traktorlar jáne basqa da beıimdelgen tehnıka), ormanǵa arnalǵan 1 127 arqalyq búrikkish, 167 motopompa jáne 1 373 basqa da bastapqy órt sóndirý quraldary bar, - dep qosty basqarma bastyǵy.
Eske sala keteıik, budan buryn BQO-da órt kezinde qaza tapqan 9 adamnyń jeteýi mas kúıinde bolǵanyn jazǵan edik.