Batys Qazaqstanda buqtyrylǵan kıik eti eksportqa shyǵa ma

ORAL. KAZINFORM – Batys Qazaqstan oblysynda «Kýbleı» kásiporny konservilengen kıik etin óndirýdi jolǵa qoıdy. Osyǵan oraı Kazinform tilshisi jumys barysyn bilgen edi.

«Kýbleı» JShS dırektorynyń orynbasary Záýre Berekeshevanyń málim etkenindeı, 2025 jyldyń jeltoqsanynan beri 350 myń danadaı buqtyrylǵan kıik eti konservisi shyǵarylǵan.

Záýre Talǵatqyzynyń sózine qaraǵanda, kez kelgen et ónimin buqtyrýdyń tehnologııalyq protsesi ádettegideı, oǵan súıekten etti sylyp alý kiredi, ıaǵnı et súıek pen sińirden ajyratylady.

- Sodan keıin et bankige germetıkalyq tyǵyndalady, sosyn 120℃ termperatýrada 60 mınýt boıy sterılızatsııadan ótkiziledi. Kıik etine basqa qandaı ıngedrıentter qosylady degenge kelsek, ádette pııaz, tuz, burysh jáne lavr japyraǵy qoldanylady, - deıdi Z.Berekesheva.

Onyń aıtýynsha, qazirgi kezde buqtyrylǵan kıik eti jergilikti naryqta satylyp jatyr. Sonymen qatar Qazaqstannyń barlyq oblysyna, Astana men Almaty qalalaryna jóneltilgen.

- Búginde ýákiletti memlekettik organdarmen birge konservilengen kıik etin kórshiles elderge eksportqa shyǵarý múmkindigi qarastyrylyp jatyr, - dep qosty Z.Berekesheva.

Eske sala keteıik, budan buryn Batys Qazaqstanda konservilengen kıik eti satylymǵa shyǵatynyn jazǵan bolatynbyz.

Sondaı-aq Batys Qazaqstanda kıik etin óńdeý keshenin salý kózdelip otyr.

BQO-da zańdy túrde soıylǵan kıik múıizi qaıda ketip jatqany jazyldy.