Batys Qazaqstanda bir aýdanda ákim saılaýyna birden 7 úmitker túsip jatyr

Batys Qazaqstan oblysynda Bókeı ordasy, Qaratóbe, Tasqala aýdandarynda ákim saılaýyna barlyǵy 16 kandıdat usynyldy, dep habarlaıdy QazAqparat tilshisi.

BQO aýmaqtyq saılaý komıssııasynyń tóraǵasy Ǵaısa Qapaqovtyń óńirlik kommýnıkatsııalar qyzmeti alańynda ótken brıfıngte málim etkenindeı, sonyń ishinde beseýin (31,3 paıyzy) saıası partııalar dodaǵa qossa, 11-i (68,7 paıyzy) ózin-ózi usyndy.

Ortasha báseke — 5,3 adam. 

Ǵaısa Hamıdollaulynyń sózine qaraǵanda, kandıdattardyń eń kóbi (7) Bókeı ordasy aýdanynda usynylyp otyr. Qaratóbede — 3, Tasqalada — 6 úmitker bar.

«Kandıdattardyń bári de — er adamdar. Ortasha jasy — 41,5 jyl. Eń jasy 27-de (Tasqala aýdany), eń eresegi 56-da (Bókeı ordasy aýdany). Sonyń ishinde 11-i memlekettik mekeme, uıymdarda jumys isteıdi, bireýi — bıýdjettik salanyń qyzmetkeri, úsheýi — kommertsııalyq qurylym ókilderi, bireýi — ýaqytsha jumyssyz. Beseýi (31,2 paıyzy) — ekonomıst, tórteýi (25,0 paıyzy) — zańger, úsheýi (18,7 paıyzy) — qarjyger, ekeýi (12,5 paıyzy) — pedagog, bireýi (6,3 paıyzy) — mal dárigeri, bireýi (6,3 paıyzy) — tehnık-kurylysshy. 5 qazan kúngi málimet boıynsha bes kandıdattyń sáıkestigi anyqtaldy. Bireýi QR memlekettik qyzmet zańnamasynyń talaptaryna sáıkes kelmeıdi. 3 kandıdat tirkeldi», — dedi Ǵ.Qapaqov.

Kandıdattardy tirkeý 10 qazan kúni saǵat 18.00-de aıaqtalady.

Eske sala keteıik, budan buryn Batys Qazaqstan oblysynyń úsh aýdanynda ákimder saılanatynyn jazǵan edik.