Batys Qazaqstanda qolaısyz aýa raıyna baılanysty 11 jol bóligi jabyq tur
ORAL. KAZINFORM — Batys Qazaqstan oblysynda aýa raıynyń nasharlaýyna baılanysty 11 jolda kólik qozǵalysyna shekteý qoıyldy.
BQO TJ departamentiniń baspasóz qyzmetinen málim etkenindeı, qazirgi kezde 3 respýblıkalyq, 8 oblystyq mańyzy bar avtojoldar jabyq.
«Respýblıkalyq Atyraý-Oral (375-189 km, Aqjaıyq aýdanynan Atyraý oblysy shekarasyna deıin), Samara-Shymkent (266-526 km, Podstepnyı-Aqtóbe obl. shekarasy) Oral-Tasqala-RF shekarasy (72-104 km, Tasqala aýyly-RF shekarasy) joldarynda qozǵalys shektelgen. Sondaı-aq oblystyq mańyzy bar Jympıty-Qaratóbe (0-103 km), Úlken Shaǵan-Peremetnyı (0-42 km), Tasqala-Aqqýraı-Bolashaq (0-157 km), Bórli-Aqsaı-Jympıty (38-159 km), Podstepnyı-Terekti-RF shekarasy (38-108 km, Terekti-Bórli aýyly), Terekti-Aqsaı (0-82 km), Aqsaı-Shyńǵyrlaý (0-86 km), Oral-Kırsanov (23-183 km, Darııan-Kırsanov) joldary da jabylǵan. Sebebi – boran, ekpini sekýndyna 20 metrge deıin jetken kúshti jel, kóktaıǵaq. BQO TJ departamenti qolaısyz aýa raıy kezinde alys jolǵa shyqpaý kerektigin eske salady», dep habarlady vedomstvodan.
Eske sala keteıik, budan buryn Batys Qazaqstanda 55 aýyldy jaryqsyz qaldyrǵan elektr jelileri jóndelip jatqanyn jazǵan bolatynbyz.
