Batys Qazaqstanda balyqtan taralatyn opıstorhoz derti kóbeıip ketip otyr

Batys Qazaqstan oblysynda balyqtan taralatyn opıstorhoz derti kóbeıip ketip otyr, dep habarlaıdy QazAqparat tilshisi.

BQO sanıtarııalyq-epıdemıologııalyq baqylaý departamenti basshysynyń orynbasary Nurlybek Mustaevtyń málim etkenindeı, bıylǵy segiz aıda oblys boıynsha 113 derek tirkelgen. ıAǵnı osynshama adam opıstorhoz dertine shaldyqqan.

Nurlybek Ermekulynyń sózine qaraǵanda, bul ótken jylǵy osy kezeńdegiden 26 paıyzǵa kóp.

Departament basshysy orynbasarynyń aıtýynsha, opıstorhoz – balyq arqyly taralatyn qurt aýrýy. Ol eń aldymen ót joldaryn, ót qabyn jáne uıqy bezin zaqymdaıdy. Opıstorhozdyń negizgi belgileri mynadaı. Dene qyzýy 37-38 gradýsqa deıin kóterilip, 4 aptaǵa deıin sozylady, betinde jáne denesinde bórtpeler paıda bolady (bul kóbine 2 aptaǵa deıin sozylady). Basy jıi aýyryp, uıqy buzylady. Oǵan álsizdik, tersheńdik qosylyp, tábeti joǵalady. Oń jaq búıiri nemese jaýyryny, bulshyq eti aýyrady, allergııa da paıda bolady. Eger opıstorhoz aýrýyn aıaǵyna deıin emdemese, baýyr abstsessi, óttiń qabynýy jáne júrek aýrýyna soqtyrýy múmkin.

«Negizgi profılaktıkalyq shara – shıki, az tuzdalǵan, nashar keptirilgen jáne jetkiliksiz termııalyq óńdelgen balyqtardy paıdalanbaý. Shıki balyqty kesý kezinde nemese aıaqtaǵannan keıin jeke gıgıena erejelerin qatań saqtaǵan jón. Balyqty qatty tuzdyqta 2-3 apta boıyna ustaý jáne balyqty 20 mınýttan kem emes qýyrý qajet. Opıstorhoz adamnan adamǵa juqpaıdy», dedi N.Mustaev.