Batys Qazaqstanda balabaqshada 26 mln teńge mindetti tólem tólenbeı qalǵan

ORAL. KAZINFORM – Batys Qazaqstan oblysynda Syrym aýdanynyń prokýratýrasy mindetti salyq tólemderiniń tólenbeý deregin anyqtady.

BQO prokýratýrasynyń baspasóz qyzmetinen málim etkenindeı, «Baldyrǵan» balabaqshasynda mindetti áleýmettik medıtsınalyq saqtandyrýdy qosa alǵanda, 43 qyzmetkerge arnalǵan tólemder 8 aı boıy tólenbeı, 26 mln teńgege jetken.

- Sonyń saldarynan balabaqshanyń 43 qyzmetkeri densaýlyq saqtaý jáne medıtsınalyq kómekke kepildik berý boıynsha konstıtýtsııalyq quqyqtaryn júzege asyra almady. Atalǵan derek boıynsha oblystyq bilim basqarmasyna prokýrorlyq qadaǵalaý aktisi engizilip, jaýapty laýazymdy tulǵalar tártiptik jaýapkershilikke tartyldy. Bereshek tolyǵymen óteldi, - dep habarlady vedomstvodan.

Eske sala keteıik, budan buryn BQO-da prokýratýranyń aralasýymen 468,5 mln teńgeniń memleketke qaıtarylǵanyn jazǵan edik.