Batys Qazaqstanda avtokólikten 291 kıik múıizi shyqty

ORAL. KAZINFORM — Batys Qazaqstan oblysynda kıik múıizin tasymaldaýshylar qolǵa tústi.

Bul týraly BQO polıtsııa departamentiniń baspasóz qyzmeti málim etti.

Uıymdasqan qylmyspen kúres basqarmasynyń qyzmetkerleri QR UQK departamentimen birlesip zańsyz saýdanyń jolyn kesti.

- Oral-Atyraý kúre joly boıynda polıtsııa qyzmetkerleri Toyota Alphard avtokóligin toqtatyp, tekserdi. Kóliktiń júksalǵyshynan 291 kıik múıizi salynǵan eki qorap tabyldy. Múıiz avtokólik jolaýshysy, Bókeı ordasy aýdanynyń turǵyny, 1982 jylǵy er adamǵa tıesili ekendigi anyqtaldy. Qazirgi kezde qylmystyq is qozǵalyp, tergeý amaldary júrgizilýde, - dep habarlady vedomstvodan.

Eske sala keteıik, budan buryn BQO-da turǵynnyń kıik múıizderimen ustalǵanyn jazǵan bolatynbyz.