Batys Qazaqstanda avtokólik júk poıyzymen soqtyǵysty
ORAL. KAZINFORM — Batys Qazaqstan oblysy Bórli aýdany aýmaǵynda Qazaqstan stantsııasy – Pepel temir jol ótkelinde jeńil avtokóliktiń júk poıyzymen soqtyǵysqany jóninde áleýmettik jelide beınejazba tarady.
BQO polıtsııa departamenti baspasóz qyzmetiniń naqtylaýynsha, oqıǵa 7 sáýir kúni saǵat 15:20-da retteletin temir jol ótkelinde bolǵan.
Kia avtokóligi júk poıyzymen soqtyǵysty.
— Avtokóliktiń aldyńǵy bóligi túıisken. Jol-kólik oqıǵasynan zardap shekkender joq. Atalǵan oqıǵaǵa baılanysty Bórli aýdany polıtsııa bólimimen Kia avtokóliginiń júrgizýshisine jol erejesin buzǵany úshin Ákimshilik quqyq buzýshylyq týraly kodeksiniń 610-babyna sáıkes hattama toltyryldy. Sondaı-aq «Qazaqstan temir joly» mekemesine temir jol ótkelinen poıyzdyń ótýi kezinde qaýipsizdikti qamtamasyz etpegeni úshin usynyshat jiberildi, — dep habarlady vedomstvodan.
Eske sala keteıik, budan buryn Oralda jeńil kólik qaǵyp ketken áıeldiń kóz jumǵanyn jazǵan bolatynbyz.