Batys Qazaqstanda avtokólik órtenip, tórt adam qaza tapty
ORAL. KAZINFORM — BQO polıtsııa departamentiniń baspasóz qyzmetinen málim etkenindeı, oqıǵa 17 shilde kúni shamamen saǵat 15.00-de Oral-Ozınkı jolynyń 64-shaqyrymynda Báıterek aýdany Ýsıhıno eldi mekeni tusynda boldy.
Aldyn ala málimet boıynsha Chevrolet Aveo avtokóliginiń júrgizýshisi «KamAZ» júk kóligin basyp ozamyn dep, rýlge ıe bola almaı, onyń artqy bóligine soǵylǵan. Soqqy saldarynan jeńil avtokólikte órt shyǵyp, janyp ketken.
— Oqıǵa ornynda Chevrolet Aveo avtokóliginiń júrgizýshisi men úsh jolaýshysy qaza tapty. Atalǵan derek boıynsha Qylmystyq kodeksiniń 345-baby 4-bóligine sáıkes qylmystyq is tirkelip, sotqa deıingi tergep-tekserý amaldary bastaldy. Tıisti saraptamalar taǵaıyndaldy. Batys Qazaqstan oblysynyń polıtsııa departamenti jol qozǵalysy erejelerin qatań saqtaýǵa shaqyrady, — dep habarlady vedomstvodan.
Eske sala keteıik, budan buryn BQO-da avtokólik aýdarylyp, eki adamnyń kóz jumǵanyn jazǵan edik.
