Batys Qazaqstanda avtokólik aýdarylyp, eki adam kóz jumdy

ORAL. KAZINFORM — Batys Qazaqstan oblysynda jol apatynan eki adam qaza tapty.

BQO polıtsııa departamentiniń baspasóz qyzmetinen málim etkenindeı, oqıǵa 26 qarasha kúni shamamen saǵat 17.15-te Bórli aýdanynda boldy.

«Bórli-Aqsaı-Jympıty avtojolynyń 7-shaqyrymynda «Nissan Murano» avtokóliginiń júrgizýshisi rýlge ıe bola almaı, kólik aýdarylyp qalǵan. Oqıǵa ornynda júrgizýshi men avtokólikte otyrǵan jolaýshy qaza tapty», - dep habarlady vedomstvodan.

Qazirgi kezde oqıǵanyń mán-jaıy anyqtalý ústinde.

Eske sala keteıik, budan buryn Oralda qyzdyń kópirden sekirýine baılanysty qylmystyq is qozǵalǵanyn jazǵan bolatynbyz.