Batys Qazaqstanda aýmaǵy 300 sharshy metr qoıma janyp ketti

ORAL. KAZINFORM – Batys Qazaqstan oblysy Báıterek aýdany Mıchýrın aýylynda qoıma otqa orandy.

BQO TJ departamentiniń baspasóz qyzmetinen málim etkenindeı, 25 qazan kúni shamamen saǵat 20.15-te Zavodskaıa kóshesi 10-mekenjaıynda angar úlgisindegi qoımanyń janyp jatqany jóninde habar túsken.

«Aýmaǵy 300 sharshy metr qoımanyń tóbesi órtengen. Ony sóndirý ekinshi rang boıynsha júrgizildi. «Tilsiz jaý» saǵat 21.05-te oqshaýlanyp, 21.31-de aýyzdyqtaldy. Zardap shekkender joq. Órttiń shyǵý sebebi anyqtalý ústinde. Ony sóndirýge jeke quramnan 37 adam, 11 tehnıka jumyldyryldy», dep habarlady vedomstvodan.

Eske sala keteıik, budan buryn Batys Qazaqstanda turǵyn úıdegi órt sany 2,5 ese artqanyn jazǵan bolatynbyz.

View this post on Instagram

A post shared by 🇰🇿🚒 BQO Tótenshe jaǵdaılar departamenti (@batysqaz_tjd)