Batys Qazaqstanda aýyl turǵynynan 226 kıik múıizi tárkilendi

ORAL. KAZINFORM - Batys Qazaqstan oblysynda Kaztalov aýdandyq polıtsııa bóliminiń krımınaldyq polıtsııa qyzmetkerleri "Quqyqtyq tártip" jedel aldyn alý is-sharasy barysynda aqbókenderdiń múıizin tapty.

BQO polıtsııa departamentiniń baspasóz qyzmetinen málim etkenindeı, aýyl turǵynynyń garajyn tintý kezinde 226 kıik múıizi tabylyp, tárkilendi.

Atalǵan derek boıynsha qylmystyq is qozǵalyp, tergeý amaldary júrgizilýde.

«Quqyqtyq tártip» jedel aldyn alý is-sharasy barysynda 10-20 mamyr aralyǵynda 103 qylmys anyqtaldy. Sonyń ishinde tyıym salynǵan zattardy alyp júrgeni jáne saqtaǵany úshin 88 azamat ustalyp, olardan 13 atys qarýy, 4 esikti zaty, 5 oq-dári, 64 janshyp-keskish quraldary tárkilendi. Detoksatsııa ortalyǵyna qoǵamdyq oryndardan 366 adam oqshaýlandy. Belgili turǵylyqty jeri joq 45 adam qabyldaý-taratý ornyna, 8 jasóspirim beıimdeý ortalyǵyna jetkizildi. Atalǵan is-shara barysynda 500-den astam ákimshilik quqyq buzýshylyqtyń joly kesildi. Sondaı-aq kólik quraldaryn masań kúıde júrgizgen 73 júrgizýshi qolǵa tústi», dep habarlady vedomstvodan.

Eske sala keteıik, budan buryn Batys Qazaqstanda kıikterdiń kóbeıýi sharýa qojalyqtaryn alańdatyp otyrǵanyn jazǵan bolatynbyz.