Batys Qazaqstanda aýyl turǵynyna 1,1 mln teńge zalal keltirgen alaıaq sottaldy

ORAL. KAZINFORM – Jánibek aýdandyq sotynda QR QK 190-baby 2-bóliginiń 4) tarmaǵymen, alaıaqtyq boıynsha qylmystyq is qaraldy. 

Батыс Қазақстанда ауыл тұрғынына 1,1 млн теңге залал келтірген алаяқ сотталды
Фото: Kazinform

BQO sotynyń baspasóz qyzmetinen málim etkenindeı, Jánibek aýdany Jaqsybaı aýylynyń turǵyny 2023 jyldyń 1 jeltoqsanynda sottalýshy áıelden óziniń atyndaǵy «Home Credit Bank» AQ-daǵy nesıesin tekserip berýin ótingen. Sol kezde jábirlenýshiniń telefony bolmaǵan. Sony paıdalanǵan sottalýshy uıaly telefonyna jábirlenýshiniń atynan «Home Credit Bank» AQ qosymshasyn júktegen. Sosyn atalmysh AQ-daǵy nesıesin tekserýge kómektesken syńaı tanytyp, óziniń uıaly telefonyna onyń atynan «Kaspi Bank» AQ-nyń «Kaspi» qosymshasyn júktep, esepshot ashyp, ońtaıly sátti paıdalana otyryp, bet-álpetin sýretke túsirip alady.

Jábirlenýshiniń atynan «Kaspi Bank» AQ arqyly onlaın túrde 499, 274 myń teńge taýarly nesıe rásimdep, Instagram júıesi boıynsha tergeýmen anyqtalmaǵan tulǵa arqyly taýardy aqshaǵa aınaldyrǵan. Odan ári jábirlenýshiniń esepshotyna túsken 379 450 teńgeni óziniń atyna ashylǵan «Kaspi Bank» AQ-daǵy esepshotyna aýdarý arqyly jymqyrǵan.

Ary qaraı sottalýshy uıaly telefonyna júktelgen jábirlenýshiniń «Kaspi Gold» mobıldi qosymshasy arqyly onlaın túrde birneshe ret nesıe rásimdep, jalpy mólsheri 2 mln 399,274 myń teńge múliktik zııan keltirgen. Sodan keıin 2024 jyldyń 19 tamyzynda sottalýshy jábirlenýshiniń atyna rásimdelgen nesıe boıynsha 1 mln 299,274 myń teńgesin tólep tastaǵan. Osylaısha jábirlenýshige jalpy somasy 1,1 mln teńge zalal keltirgen. 

- Sot jábirlenýshi sottalýshydan qylmyspen keltirilgen materıaldyq zalaly retinde qoıyp otyrǵan 1,1 mln teńge azamattyq talaby tolyǵymen qanaǵattandyrylýǵa jatady dep tapty. QR QK 58-baby 3-bóligine sáıkes, eger qylmystyq quqyq buzýshylyqtar jıyntyǵyna aýyr nemese asa aýyr qylmys kirse, onda túpkilikti jaza onsha qatań emes jazany neǵurlym qatań jazaǵa sińirý arqyly nemese jazalardy ishinara nemese tolyq qosý arqyly taǵaıyndalady. Sol sebepti sot sottalýshyny kináli dep tanyp, túpkilikti jaza retinde 3 jyl 6 aı merzimge bas bostandyǵyn shekteý jazasyn taǵaıyndady. Jábirlenýshiniń talap aryzy tolyq qanaǵattandyryldy. Úkim zańdy kúshine engen joq, - dep habarlady vedomstvodan. 

Eske sala keteıik, budan buryn Oralda jas jigit óziniń esimi men tegin qazaqshaǵa sot arqyly ózgertip alǵanyn jazǵan edik.

Сейчас читают