Batys Qazaqstanda aýyl ákimi rýlge masań kúıde otyrǵan
ORAL. KAZINFORM — Batys Qazaqstan oblysy Aqjaıyq aýdanynda aýyl ákiminiń rýlge masań kúıde otyrǵany belgili boldy.
BQO polıtsııa departamentiniń baspasóz qyzmetinen málim etkenindeı, patrýldik polıtsııa batalony qyzmetkerlerimen Chapaev aýyly mańynda kólik quralyn alkagoldik masań kúıde basqarǵan júrgizýshi anyqtalǵan.
— Atalǵan derek boıynsha Qazaqstan Respýblıkasy Ákimshilik quqyq buzýshylyq týraly kodeksiniń 608-babyna sáıkes ákimshilik hattama toltyryldy. Materıaldar sotqa joldandy, — dep habarlady vedomstvodan.
BQO sotynyń baspasóz qyzmeti istiń sotqa túskenin jetkizdi.
Eske sala keteıik, budan buryn BQO-da jasóspirimdi zorlady degen kúdikpen ustalǵan burynǵy sheneýniktiń kóz jumǵanyn jazǵan bolatynbyz.
