Batys Qazaqstanda aýa raıynyń nasharlaýyna baılanysty respýblıkalyq jol jabyldy
Batys Qazaqstan oblysynda aýa raıynyń nasharlaýyna baılanysty respýblıkalyq jol jabyldy, dep habarlaıdy Kazinform.
«QazAvtoJol» UK» AQ BQO fılıalynyń málimeti boıynsha 10 qańtar kúni saǵat 17.00-den bastap respýblıkalyq mańyzy bar Oral-Atyraý joly (Oral qalasynan Aqjaıyq aýdanyna deıin, 492-375 km) júk jáne qoǵamdyq kólikter úshin jabyldy.
Jabylý sebebi – joldyń nashar kórinýi, jel.
Osyǵan baılanysty BQO TJ departamenti oblys turǵyndaryna saq bolý kerektigin eskertedi.
«Qazgıdromet» RMK-nyń málimetine sáıkes 11 qańtarda oblystyń batysy men ońtústik-batysynda tuman túsýi yqtımal. Sondaı-aq kúndiz keı jerlerde kóktaıǵaq bolyp, burqasyn kóterilýi múmkin. Jeldiń ekpini sekýndyna 15-20 metrge jetedi.
Eske sala keteıik, budan buryn Batys Qazaqstanda jantúrshigerlik jol apatynan 5 adamnyń kóz jumǵanyn jazǵan bolatynbyz.
Sondaı-aq BQO-da 5 adam qaza tapqan jol apatyna tap bolǵan kishkentaı sábıdiń jaǵdaıy aýyr.
