Batys Qazaqstanda aýa raıynyń buzylýyna baılanysty joldar jabyldy

ASTANA. KAZINFORM — «QazAvtoJol» UK Batys Qazaqstan oblysynda kólik qozǵalysyna shekteý qoıý týraly shuǵyl habarlama jasady.

2025 jylǵy 22 jeltoqsan saǵat 20:00–de aýa raıynyń buzylýyna baılanysty kelesi avtojoldarda júk jáne qoǵamdyq kólik túrleri qozǵalysyna shekteý qoıyldy: 

— «Aqtóbe- Oral- RF shekarasy» avtojolynyń 195-246 shaqyrym aralyǵyndaǵy JP postynan — Syrym baqylaý pýnktine deıin; 

— «Aqtóbe- Oral- RF shekarasy» avtojolynyń 273-393 shaqyrym aralyǵyndaǵy Jympıty aýylynan Barbastaý aýylyna deıin.

— «Atyraý- Oral» avtojolynyń 373-492 shaqyrym aralyǵyndaǵy Chapaev aýylynan Oral qalasyna deıin.

Sonymen qatar saǵat 21:00–de aýa raıynyń nasharlaýyna baılanysty respýblıkalyq mańyzy bar «Oral-Tasqala-RF shek.» 4-104 shaqyrym aralyǵy (Oral qalasynan RF shekarasyna deıin) barlyq kólik túrleriniń qozǵalysyna shekteý engiziledi. 

— Joldy 2025 jylǵy 23 jeltoqsan saǵat 08:00–de ashý josparlanǵan. 1403 baılanys ortalyǵyna habarlasyp, táýlik boıy qosymsha aqparat alýǵa bolady, — delingen habarlamada.

Budan buryn elimizde 250 shaqyrym avtojol anyqtalǵan aqaýlarǵa baılanysty ýaqytsha tegin bolatyny aıtyldy.