Batys Qazaqstanda Atyraý men Aqtóbe baǵytyndaǵy joldar jabyldy
Batys Qazaqstan oblysynda Atyraý men Aqtóbe baǵytyndaǵy joldar jabyldy, dep habarlaıdy Kazinform.
«QazAvtoJol» UK» AQ BQO fılıalynyń málimeti boıynsha 5 jeltoqsan kúni jergilikti saǵat 19.00-den bastap aýa raıynyń nasharlaýyna baılanysty respýblıkalyq mańyzy bar eki jol bóliginde barlyq kólik túrleri úshin shekteý engizildi.
Atap aıtqanda, Atyraý-Oral (189-372 km, Atyraý oblysynyń shekarasynan — Chapaev aýylyna deıin) jáne Samara-Shymkent (393-526 km, Jympıty aýylynan Aqtóbe oblysynyń shekarasyna deıin) joly jabyq tur.
Jabylý sebebi — qar aralas jańbyr, jel, kóktaıǵaq.
Osyǵan baılanysty BQO TJ departamenti eskertý jarııalap, turǵyndarǵa habarlama jiberdi.
Eske sala keteıik, budan buryn BQO-da aýa raıynyń kúrt buzylýyna baılanysty birneshe jol jabylǵanyn jazǵan bolatynbyz.
