Batys Qazaqstanda ań aýlaý kezinde 17 jastaǵy jasóspirim oq jaraqatyn aldy

ORAL. KAZINFORM – Batys Qazaqstan oblysynda ań aýlaý kezinde 17 jastaǵy oqýshy oq jaraqatyn aldy.

BQO polıtsııa departamentiniń baspasóz qyzmetinen málim etkenindeı, oqıǵa 3 aqpan kúni Aqjaıyq aýdany aýmaǵynda boldy.

«Shamamen saǵat 13.30-da aýdan ortalyǵy Chapaev aýylynan 11 shaqyrym jerde ań aýlaý kezinde 29 jastaǵy er adam abaısyzda ańshy myltyǵynan 17 jastaǵy jasóspirimge qaraı oq atqan. Saldarynan jasóspirim aýrýhanaǵa jatqyzyldy. QR QK 114-baby 3-bóligine (abaısyzda densaýlyqqa aýyr zııan keltirý) sáıkes sotqa deıingi tergeý amaldary júrgizilýde. Atalmysh bap boıynsha aıypty dep tanylǵan adam bir myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne tórt júz saǵatqa deıingi merzimge qoǵamdyq jumystarǵa tartýǵa ne bir jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady», dep habarlady vedomstvodan.

BQO densaýlyq saqtaý basqarmasynyń baspasóz qyzmeti bul oqıǵa boıynsha jedel járdemge habarlama túspegendigin jetkizdi.

Qazirgi kezde oqıǵanyń jaı-japsary anyqtalyp jatyr.

Eske sala keteıik, budan buryn Batys Qazaqstanda óz úıinen er adamnyń denesi tabylǵanyn jazǵan bolatynbyz.