Batys Qazaqstanda 90-ǵa jýyq otbasy aýylǵa kóship bardy

ORAL. KAZINFORM – Batys Qazaqstan oblysynda 2024-2026 jyldarǵa arnalǵan «Qaladan aýylǵa» pılottyq jobasy júzege asyrylýda.

BQO strategııa jáne ekonomıkalyq damý basqarmasynyń basshysy Bıbigúl Qonysbaevanyń óńirlik kommýnıkatsııalar qyzmeti alańynda ótken brıfıngte málim etkenindeı, atalmysh joba aıasynda qala turǵyndary 57 aýylǵa qonys aýdarmaqshy.

Bıbigúl Tıshanqyzynyń sózine qaraǵanda, jobaǵa Oral jáne Aqsaı qalalarynda keminde bes jyl turyp, eńbek etken azamattar, sondaı-aq suranysqa ıe mamandar, jumys izdep júrgen adamdar jáne jumyssyzdar qatysa alady.

«Qaladan aýylǵa!» pılottyq jobasyn iske asyrýdyń is-sharalar jospary bekitildi jáne turǵyndardy aqparatandyrý maqsatynda medıa jospary ázirlendi. Algorıtm boıynsha oblystyq deńgeıde ortalyqtandyrylǵan 109-coll-ortalyǵy arqyly aqparat alý jolǵa qoıyldy jáne «qoldau.bkogov.kz.» arnaýly saıt iske qosyldy. Іs sharalar josparyna sáıkes aýdandyq deńgeıde tıisti aýdan ákimi orynbasarlarynyń tóraǵalyǵymen jumys toptary quryldy. Kóship kelýshilerdi qabyldaıtyn eldi mekenderde jan-jaqty jumystar júrgizilýde», deıdi B.Qonysbaeva.

Onyń aıtýynsha, bıyl 12 aýdannyń aýyldaryna 120 otbasyn kóshirý kózdelgen edi. 

«Kúni búginge deıin aýdandardyń málimeti boıynsha aýyldarǵa quramynda 436 adam (sonyń 269-y – bala) bar 87 otbasy kóship bardy. Solardyń ishinde 88 adam jumysqa ornalastyrylsa, úsheýi óz kásibin bastady. Eldi mekenderde kommýnaldyq jáne bos turǵan úıler esebinen otbasylar túgeldeı turǵyn úımen qamtyldy, sonyń ishinde 35-i turaqty, 52-si ýaqytsha baspanaǵa kirdi. Jyl sońyna deıin taǵy 66 otbasy aýyldarǵa qonystanbaqshy», dedi basqarma basshysy. 

Sonymen qatar óńirde 2009 jyldan beri «Dıplommen – aýylǵa» jobasy júzege asyrylyp keledi. 

2024 jyly respýblıkalyq bıýdjetten 385 mamanǵa turǵyn úı satyp alýǵa nemese salýǵa bıýdjettik nesıe alý úshin 3 mlrd 136,4 mln teńge kózdelgen. 1 jeltoqsandaǵy málimet boıynsha «Otbasy banki» AQ-ǵa 251 mamanǵa nesıe qarjysy aýdaryldy. 

Jergilikti bıýdjet qarajaty esebinen aýyldyq jerge kelgen 820 mamanǵa áleýmettik qoldaý kórsetýge 598,7 mln teńge, onyń ishinde 303,4 mln teńge kóterme járdemaqy retinde qarastyrylǵan. Osy kezge deıin 802 maman kóterme járdemaqy aldy.

«Qazirgi tańda ótinish berý rásimi jeńildetilip, tsıfrlyq formatqa aýystyryldy. «Dıplommen – aýylǵa» jobasyna qatysýǵa ótinim berý úshin maman otbacybank.kz portalyna tirkelýi jáne ótinimge ETsQ kómegimen qol qoıýy kerek. Jobaǵa qatysý úshin banktiń klıenti bolýy shart.

«Dıplommen aýylǵa» jobasy da jalǵastyrylatyn bolady», dedi B.Qonysbaeva.

Eske sala keteıik, budan buryn BQO-da «Qaladan aýylǵa» pılottyq jobasy júzege asyrylatynyn jazǵan bolatynbyz.