Batys Qazaqstanda 9 myńnan asa adam qaterli isik aýrýlarymen esepte tur

ORAL. KAZINFORM — Batys Qazaqstan oblysynda qaterli isik aýrýlaryna shaldyqqandar sany jyl saıyn ósip otyr.

BQO onkologııalyq dıspanseriniń dırektory Zeıil Maǵzomovtyń málim etkenindeı, qazirgi ýaqytta 9 009 adam dıspenserlik esepte tur.

Onyń sózine qaraǵanda, jylyna 1 400-deı naýqas anyqtalady. 

Bıyl ótken jyldyń osy kezeńimen salystyrǵanda, aýrýshańdyq kórsetkishi 3,8 paıyzǵa artyp otyr. Syrqattaný qurylymy boıynsha sút bezi obyry birinshi, ókpe ekinshi, toq ishek úshinshi, asqazan obyry tórtinshi orynda tur. 

— Qaterli isik aýrýlary kóbeıýiniń basty sebebi — turǵyndardyń arasynda onkosaqtyqtyń tómendigi. Skrınıngten ótý qoljetimdi, tegin bolsa da, der kezinde kelmeıdi. Dert asqynyp, úshinshi, tórtinshi satydaǵy aıqyn belgileri anyqtalǵan kezde ǵana dárigerge júginedi. Sondaı-aq dene belsendiliginiń tómendigi, durys tamaqtanbaý, kúızelis, ishimdikke salyný, temegi shegý aýrýǵa soqtyrady. Eń bastysy, ár adam óziniń densaýlyǵyn oılap, dárigerge ýaqtyly qaralyp, tekserýden ótip turýy qajet, — dedi Kazinform tilshisine Z.Maǵzomov.

Eske sala keteıik, budan buryn BQO-da densaýlyq saqtaý salasynda 180 maman jetispeıtinin jazǵan edik. 

Batys Qazaqstanda 10 adam jatyr moıny obyrynan kóz jumdy.