Batys Qazaqstanda 840 turǵyn gazǵa tóleýge jeńildik aldy
ORAL. KAZINFORM – Batys Qazaqstan oblysynda alǵash ret gazǵa jeńildik beretin tsıfrlyq vaýcherler júıesi engizildi.
BQO ákimdiginen málim etkenindeı, «Áleýmettik ámııan» baǵdarlamasy boıynsha pılottyq joba aıasynda Batys Qazaqstan oblysynda ataýly áleýmettik kómek pen turǵyn úı kómegin alatyn 840 turǵyn gazǵa jeńildik alý úshin tsıfrlyq vaýcherlerdi paıdalandy.
Jeńildik mólsheri – 24 paıyz. Jobany júzege asyrýdyń alǵashqy aıynyń qorytyndysy boıynsha Shymkent qalasy men BQO-nyń 2 573 azamatyna kómek kórsetildi.
2024 jyldyń jeltoqsanyna deıin jeńildik berý tetigi qolmen júzege asyrylǵan bolatyn: alýshylardyń tizimderin ákimdikter jiberip, olardyń derekteri abonentter bazasymen salystyryldy. Alaıda mekenjaı aýystyrý, derekterdegi qatelikter nemese menshik quqyǵynyń bolmaýy sııaqty faktorlardyń saldarynan kómekke muqtaj keıbir azamattar kómek ala almady.
2024 jyldyń jeltoqsanynan bastap QR Energetıka mınıstrligi, QR Eńbek jáne halyqty áleýmettik qorǵaý mınıstrligi, QR Tsıfrlyq damý, ınnovatsııalar jáne aeroǵarysh ónerkásibi mınıstrligi jáne «QazaqGaz Aimaq» AQ qoldaýymen eGov Mobile qosymshasyndaǵy «Áleýmettik ámııan» arqyly jańa tsıfrlyq tetik engizildi.
Endi protsess avtomattandyryldy:
- Azamattarǵa 1414 nómirinen jeńildik týraly aqparaty bar SMS-habarlama keledi.
- Qatysýdy rastaý úshin azamattar ózderiniń jeke shottaryn kórsetedi.
- Bul tásil birqatar qatelikterdi joıady jáne kómektiń ashyqtyǵy men qoljetimdiligin qamtamasyz ete otyryp, protsesti edáýir jyldamdatady. Pılottyq joba aıasynda tsıfrlyq tásildi engizý áleýmettik qoldaýdy damytýdaǵy mańyzdy qadam boldy. «QazaqGaz Aimaq» AQ árbir muqtaj azamattyń kómekti alýyn qamtamasyz etý úshin monıtorıng pen júıeni jaqsartýdy jalǵastyrady. Batys Qazaqstan oblysynyń gazdandyrý deńgeıi – 99,8 paıyz. Gaz qubyrlarynyń jalpy uzyndyǵy – 10 063 km. Gazdy tutynýshyǵa qaýipsiz ári úzdiksiz jetkizý úshin «QazaqGaz Aimaq» AQ BQO óndiristik fılıalynyń 536 qyzmetkeri qyzmet kórsetedi, - dep habarlady BQO ákimdigi.
Eske sala keteıik, budan buryn gazdyń aqshasyn «Áleýmettik ámııan» arqyly jeńildikpen tóleýge bolatynyn jazǵan edik.