Batys Qazaqstanda 800-den astam adam janýarlardan zardap shekti

ORAL. KAZINFORM — Batys Qazaqstan oblysynda bıylǵy tórt aıda janýarlardan zardap shekken 817 adam medıtsınalyq kómekke júgindi. 

BQO sanıtarııalyq-epıdemıologııalyq baqylaý departamenti basshysynyń orynbasary Nurlybek Mustaevtyń málim etkenindeı, olar janýarlardyń tisteýi, tyrnalaýy jáne silekeıi tııýi saldarynan jaraqat alǵan. Bulardyń sany ótken jylǵy osy kezeńdegiden (833) 16-ǵa kem.

Nurlybek Ermekulynyń sózine qaraǵanda, sonyń ishinde 267-si (2024 jylǵy osy merzimde — 255) — balalar.

Jaraqat alǵandardyń 585-in ıt qapqan. 199-y mysyq, úsheýi jylqy, 10-y iri qara, 20-sy basqa janýarlardan zardap shekken.

— Oral qalasy boıynsha 558 adam (2024 jyly osy kezeńde — 607) medıtsınalyq kómekke júginse, sonyń 174-i (183) — balalar. Bir adam aýrýhanaǵa jatqyzyldy. Oblysta adamdar arasynda qutyrma aýrýy tirkelgen joq, — dedi Nurlybek Mustaev.

Eske sala keteıik, budan buryn Oralda 10 jasar balany ıt qaýyp alǵanyn jazǵan bolatynbyz.