Batys Qazaqstanda 51,2 mln teńge ákimshilik aktiniń kúshi joıyldy

ORAL. KAZINFORM — BQO ákimshilik sotynda Oral qalasy boıynsha memlekettik kirister basqarmasy qabyldaǵan aktige baılanysty is qaraldy.

BQO sotynyń baspasóz qyzmetinen málim etkenindeı, 2024 jyldyń qarasha aıynda Oral qalasy boıynsha memlekettik kirister basqarmasy JShS atyna 51 mln 250 myń teńge mólsherinde debıtorlardyń banktik shottaryndaǵy aqshany óndirip alý týraly habarlama jibergen.

«Quqyqtyq aktiler týraly» QR Zańynyń 64-baby 5-tarmaǵyna sáıkes ýákiletti tulǵa tıisti aktige qol qoıýy tıis.

Atalǵan habarlamaǵa basqarma basshysy qol qoıyp, onyń elektrondyq tsıfrlyq qoltańbasymen kýálandyryldy. Alaıda osy merzimde basqarma basshysy eńbek demalysynda bolǵan. Bul QR Ákimshilik rásimdik-protsestik kodesi 80-baby 1-tarmaǵy 5-tarmaqshasyna sáıkes kelmeıdi. ıAǵnı basqarma basshysy eńbek demalysynda bolǵandyqtan, qujatqa qol qoıa almaıdy. Sondyqtan atalǵan kodekstiń 84-baby 4-bóligine sáıkes zańsyz aýyrtpalyq túsiretin ákimshilik akt mindetti túrde joıylýǵa jatady.

- Sot sheshimimen talap qoıý qanaǵattandyryldy, habarlama zańsyz dep tanylyp, kúshi joıyldy. Jaýapkerge sot sheshimin zańdy kúshine engen kúnnen bastap bir aı ishinde oryndaý mindeti júktelgen, ol týraly sotqa habarlaýǵa mindetti. Zań buzýshylyqqa jol bergen adamdarǵa tártiptik sharalar qoldaný maqsatynda QR Qarjy mınıstrligi Memlekettik kirister komıtetiniń atyna jeke uıǵarym shyǵaryldy. Sottyń jeke uıǵarymyna jaýap retinde Oral qalasy boıynsha memlekettik kirister basqarmasynyń aqparattyq tehnologııalar bólimi basshysyna oblystyq departament buıryǵymen sógis túrindegi tártiptik jaza qoldanyldy. Sot sheshimi zańdy kúshine engen joq, - dep habarlady vedomstvodan.

Eske sala keteıik, budan buryn BQO-da áskerı qyzmetshiniń úıinen aıyrylyp qala jazdaǵanyn jazǵan bolatynbyz.