Batys Qazaqstanda 51 mektep qashyqtan oqýǵa kóshedi

ORAL. KAZINFORM — Batys Qazaqstan oblysynda qolaısyz aýa raıyna baılanysty 15 jeltoqsan kúni qaı mektepterdiń qashyqtan oqýǵa kóshiriletini belgili boldy.

BQO ákimdiginen málim etkenindeı, óńirde dúısenbi kúni barlyǵy 51 mektepte oqýshylar onlaın bilim alady.

Bulardyń eń kóbi Bórli aýdanynda, munda 24 mektepte 10 007 oqýshy bar. Sondaı-aq Jánibek aýdanynda 14 mektep (2 442 oqýshy), Bókeı ordasynda 12 mektep (738) osyndaı júıege kóshirildi. Aqjaıyq aýdanynda 1 mektep (5 shákirt).

— Kaztalov aýdanynyń 35 mektebinde (5 300 oqýshy) sabaq 20 jeltoqsanǵa aýystyryldy. Báıterek, Jańaqala, Qaratóbe, Syrym, Tasqala, Terekti, Shyńǵyrlaý aýdandarynda jáne Oral qalasynda bilim berý uıymdary shtattyq rejımde jumys isteıdi, — dep habarlady vedomstvodan.

Eske sala keteıik, budan buryn BQO-da 16 myńnan astam abonenttiń elektr jaryǵynsyz qalǵanyn jazǵan edik.

Sondaı-aq BQO-da sý munarasy qulap, bir adam joǵalyp ketti.

BQO-da úsh qabatty jataqhananyń shatyry ushty.