Batys Qazaqstanda 500-den astam úı men 15 kásiporyn gazsyz qaldy
ORAL. KAZINFORM — Batys Qazaqstan oblysynda 513 jeke turǵyn úı men 15 kommýnaldyq-turmystyq kásiporyn gazsyz qaldy.
«QazTransGazAımaq» AQ Batys Qazaqstan óndiristik fılıalynan málim etkenindeı, oqıǵa 27 naýryz kúni Oral qalasyna irgeles ornalasqan Báıterek aýdany Mıchýrın aýylynda boldy.
«Mıchýrın aýyly Zavodskaıa kóshesinde erigen qar sýlaryn azaıtý jumystaryna jaldanǵan ekskavator ruqsat etilmegen orynda jumys istegen. Saldarynan saǵat túngi 02.05-te gaz shyǵatyn ortasha qysymdy Dý-160 mm jerasty polıetılen gaz qubyryna ishinara zaqym kelgen. Avarııalyq-dıspetcherlik qyzmetiniń slesari gaz qudyǵynyń ysyrmasyn jaýyp tastady. Soǵan baılanysty 513 jeke turǵyn úı jáne 15 kommýnaldyq-turmystyq kásiporyn gazsyz qaldy. Qazirgi ýaqytta qalypqa keltirý jumystary júrgizilýde», - dep habarlady vedomstvodan.
Eske sala keteıik, budan buryn Oral qalasynda úılerge qar sýy kirip jatqanyn jazǵan bolatynbyz.
