Batys Qazaqstanda 45 myńnan astam kıik aýlandy
ORAL. KAZINFORM — Batys Qazaqstan oblysynda bıylǵy kıik sanyn retteý jumystary 1 qyrkúıekten bastaldy.
BQO orman sharýashylyǵy jáne janýarlar dúnıesi aýmaqtyq ınspektsııasynyń basshysy Nurlan Rahymjanovtyń málim etkenindeı, jumystar negizinen Kaztalov jáne Jańaqala aýdandarynda júrgizilip jatyr.
Nurlan Saǵyntaıulynyń sózine qaraǵanda, bul isti «Ohotzooprom» ÓB» RMQK uıymdastyrýda. Bıyl túngi atý joq. Kıikter tek koral ádisimen aýlanýda. Inspektorlar 15 koralmen jumys isteýde.
- Kúni búginge deıin barlyǵy 45 250 bas kıik aýlandy. Kıik etin 12 kásiporyn qabyldaýda. Olardyń barlyǵy da Batys Qazaqstan oblysynan, sonyń ishinde altaýy Jańaqala aýdanynan. Kıik eti Báıterek aýdany Baıqonys aýylynda, Oral qalasyna qarasty Krýgloozernyı aýylynda jáne oblys ortalyǵyndaǵy Depo bazarynda sattyqqa shyǵarylýda, - deıdi N.Rahymjanov.
Onyń aıtýynsha, bıyl jospar joq. 2023 jyly 29 myń, ótken jyly 108,5 myń kıik aýlanǵan bolatyn.
Ótken jyly óńirdegi «Kýbleı» kásiporny kıik etinen konservi jasap shyǵarǵany belgili. Bıylǵy jyly «Kýbleı» kıik etin almady.
- Kıik etin negizinen basqa óńirler alyp ketip jatyr. Oraldyń kásipkerleri buǵan ázirge qyzyǵýshylyq tanytpaı otyr, - dep qosty N.Rahymjanov.
Batys Qazaqstan oblysynda 2026 jylǵy kóktemde júrgizilgen áýe sanaǵy boıynsha aqbóken sany 2,7 mln basqa jetti.
Jyl basynan beri 19 myńdaı kıik óleksesi tabylyp, joıyldy.
Eske sala keteıik, budan buryn Batys Qazaqstanda konservilengen kıik eti satylymǵa shyǵatynyn jazǵan edik.
Sondaı-aq Batys Qazaqstanda qansha kıik aýlandy.
Batys Qazaqstanda 3 300-ge jýyq kıik óleksesi joıyldy.
Batys Qazaqstanda kıik sany 2,7 mln basqa jetti.
