Batys Qazaqstanda 40-tan astam nysanda qurylys talaptary saqtalmaǵan
ORAL. KAZINFORM – Batys Qazaqstan oblysynda jyl basynan beri qurylys nysandarynda jospardan tys 35 tekserý júrgizildi.
BQO memlekettik sáýlet-qurylys baqylaýy basqarmasynyń basshysy Álibek Antazıevtiń málim etkenindeı, tekserýlerdiń qorytyndysy boıynsha 15 mln astam teńge bolatyn 59 ákimshilik is qozǵalyp, qaraldy.
Álibek Saıynulynyń sózine qaraǵanda, jol berilgen buzýshylyqtardy joıý jóninde 27 nusqama engizildi. Sarapshylardy attestatsııalaý boıynsha 276, sondaı-aq zańdy tulǵalardy lıtsenzııalaýǵa 180, jobalardy basqarýǵa 4 qyzmet kórsetildi.
– Monıtorıng nátıjesi boıynsha 43 nysanda qurylys-montajdaý jumystary barysynda qurylys talaptaryn saqtamaý derekteri anyqtaldy. Sonyń ishinde 14 qurylys nysanynyń ruqsat qujattamalarynsyz salynǵany belgili boldy. Bular jyl sońyna deıin bólshekteledi. Mysaly, Oral qalasynda Táýelsizdik kóshesi, 39 jáne J.Dosmuhamedov kóshesi 33-mekenjaıynda turǵyn úıler zańsyz boı kótergenin atap ótýge bolady, - dedi Á.Antazıev.
Basqarma derekterine qaraǵanda, jyl basynan beri qurylys-montaj jumystarynyń bastalǵany jóninde 150 ótinim, nysandy paıdalanýǵa berý boıynsha 247 qabyldaý aktisi qaralǵan. 325 tehnıkalyq qadaǵalaý esebi tirkelgen.
Eske sala keteıik, budan buryn Álibek Antazıevtiń BQO memlekettik sáýlet-qurylys baqylaýy basqarmasynyń basshysy bolǵanyn jazǵan edik.