Batys Qazaqstanda 3 avtokólik soqtyǵysyp, júrgizýshi kóz jumdy

ORAL. KAZINFORM — Batys Qazaqstan oblysynda Oral-Atyraý joly boıynda adam ólimine soqtyrǵan jol-kólik oqıǵasy boldy.

BQO polıtsııa departamentiniń baspasóz qyzmetinen málim etkenindeı, 10 tamyz kúni saǵat 15.00-de Oralǵa qarasty Krýgloozernyı kenti tusynda júrgizýshi «VAZ-2115» avtokóligimen basyp ozamyn dep, qarsy betke shyǵyp ketken. 

Sodan keıin Toyota Camry jáne Nyndai Creta kólikterimen soqtyǵysqan.

— Jol apaty saldarynan «VAZ-2115» kóliginiń júrgizýshisi oqıǵa ornynda jan tapsyrdy. Oǵan qosa Nyndai Creta avtokóliginiń júrgizýshisi men jolaýshysy aýrýhanaǵa jatqyzyldy. Qazirgi kezde QR QK 345-baby 3-bóligine sáıkes qylmystyq is qozǵalyp, tergeý amaldary júrgizilýde, — dep habarlady vedomstvodan. 

Eske sala keteıik, budan buryn BQO-da qarý men kıik múıizin zańsyz saqtaǵan sharýa qojalyǵynyń basshysy ustalǵanyn jazǵan edik.