Batys Qazaqstanda 260 mal qorymynyń 195-i sharýashylyq tásilmen salynǵan
ORAL. KAZINFORM – Batys Qazaqstan oblysynda 260 mal qorymy tirkelgen.
BQO veterınarııa basqarmasynyń basshysy Abzal Bralıevtiń málim etkenindeı, sonyń ishinde 65 mal qorymy úlgi jobamen (bıotermııalyq) turǵyzylǵan.
Onyń sózine qaraǵanda, qalǵan 195-i sharýashylyq tásilmen salynǵan jáne olardyń kópshiligi tolyp qalǵan.
– Sol sebepti veterınarııalyq-sanıtarııalyq talaptarǵa saı keletin mal qorymdarynyń qurylysy júrgizilip keledi. Ótken jyly 5 mal qorymy salynsa, bıyl taǵy bireýiniń qurylysy aıaqtaldy. Jyl sońyna deıin 23 mal qorymyn bitirý josparlanyp otyr, - dedi A.Bralıev.
Mamannyń aıtýynsha, sonymen qatar 222 sibir jarasy kómindisi boıynsha da tıisti jumystar atqarylyp jatyr. 2024 jyly 125 sibir jarasy kómindisi tsement-betondy materıaldarmen, bıyl taǵy 77-si jańadan qorshaldy. Qalǵan 20 sibir jarasy kómindisin qorshaý isi júrgizilýde.
Eske sala keteıik, budan buryn Batys Qazaqstanda 3 iri qara maldan qutyrý aýrýy tabylǵanyn jazǵan edik.