Batys Qazaqstanda 258 kg astam esirtki zańsyz aınalymnan alyndy
ORAL. KAZINFORM – Batys Qazaqstan oblysynda jyl basynan beri esirtkige qatysty 249 quqyqbuzýshylyq anyqtaldy.
BQO polıtsııa departamenti bastyǵynyń birinshi orynbasary, polıtsııa polkovnıgi Abylaıhan Serikovtiń óńirlik kommýnıkatsııalar qyzmeti alańynda ótken brıfıngte málim etkenindeı, sonyń 93-i – esirtki qylmysy. 156-sy – esirtkimen baılanysty qylmystyq teris qylyqtar.
Abylaıhan Serikulynyń sózine qaraǵanda, 258 kılodan astam esirtki zattary zańsyz aınalymnan alynyp, tárkilendi. Bul ótken jyldyń osy kezeńimen salystyrǵanda, eki esege kóbeıip otyr.
Telegram messendjeri arqyly belsendi túrde esirtki taratqan 3 ınternet-dúkenniń zańsyz qyzmeti toqtatyldy.
- Qala aýmaǵynda ınternet-resýrstar arqyly esirtki taratýmen aınalysqan alty adamnan quralǵan uıymdasqan qylmystyq top áshkerelenip, onyń barlyq qatysýshylary ustaldy. 1709 ınternet-saıt buǵattaldy, esirtki taratý belgileri boıynsha 16 myń 203 bank shoty anyqtaldy. Sot sheshimimen 52 mln 634,104 myń teńge kólemindegi aqshalaı qarajatqa tyıym salyndy. Oblys aýmaǵynda 10 fıtozerthana anyqtaldy. Olar shetelden sora tuqymdaryn zańsyz jetkizip, ósimdikterdi ósirýge arnalǵan jeldetkish júıeleri men arnaıy jaryqtandyrý quraldarymen jabdyqtalǵan bólmeler uıymdastyrǵan. Alynǵan ónim odan ári ótkizýge baǵyttalǵan, - dedi A.Serikov.
Onyń aıtýynsha, jyl basynan beri esirtkimen baılanysty quqyqbuzýshylyqqa barǵany úshin 254 adam ustaldy. Sonyń 26-sy jasyryn salýshy, bulardyń 14-i sıntetıkalyq esirtki taratýmen aınalysqan, olardyń arasynda 3 jasóspirim bar.
Eske sala keteıik, budan buryn Batys Qazaqstanda 200-den astam jastyń esirtki qylmysyna barǵanyn jazǵan bolatynbyz.