Batys Qazaqstanda 2 jasar balany jylqy teýip óltirdi
ORAL. KAZINFORM – Batys Qazaqstan oblysynda 2 jasar ul balany jylqy teýip óltirdi. Báıterek aýdany Şapov aýyly turǵyndarynyń sózine qaraǵanda, jazataıym oqıǵa 30 maýsym kúni tús aýa bolǵan.
Úıiniń esiginiń aldynda júrgen balany jylqy tepken. Oqıǵany kórshi áıel kórgen. Balany ata-anasy oblystyq kópbeıindi balalar aýrýhanasyna jetkizgenmen, alyp qala almaǵan.
Marqum búgin jerlendi.
Qazirgi kezde oqıǵanyń jaı-japsary anyqtalý ústinde.
Şapov aýyldyq okrýginiń ákimi Birjan Nurbaıyrov pen aýdandyq polıtsııa bóliminiń bastyǵy Tórebek Maratov oqıǵanyń bolǵanyn rastady.
BQO polıtsııa departamentiniń baspasóz qyzmeti aqparatty keıin beretinin jetkizdi.
Eske sala keteıik, budan buryn Oralda jeńil kólik jedel járdem kóligimen soqtyǵysyp, bir adam kóz jumǵanyn jazǵan bolatynbyz.
