Batys Qazaqstanda 180-nen astam zańsyz qoqys orny anyqtaldy

BQO polıtsııa departamentiniń baspasóz qyzmetinen málim etkenindeı, qylmystyq istiń ekeýi zańsyz ań aýlaý, balyq resýrstaryn, basqa da sý janýarlaryn nemese ósimdikterdi zańsyz óndirýge baılanysty qozǵaldy. Sondaı-aq sırek kezdesetin jáne paıdalanýǵa tyıym salynǵan janýarlar túrlerimen, olardyń bólikterimen nemese derıvattarymen zańsyz aınalymǵa jáne kórineý qylmystyq jolmen tabylǵan múlikti ıemdený nemese ótkizýge qatysty bir-bir derek tirkeldi.

Sonymen qatar 234 ákimshilik quqyq buzýshylyqtyń 165-i ań aýlaý, 69-y balyq aýlaý qaǵıdalaryn buzýǵa baılanysty boldy. 

Departament málimetine qaraǵanda, «Taza Qazaqstan» aktsııasy bastalǵan ýaqyttan qazirgi kezge deıin BQO aýmaǵynda 25 812 quqyq buzýshylyq derekteri belgili boldy. Munyń 2 050-i QR Ákimshilik quqyq buzýshylyq týraly kodeksiniń 204-baby (jergilikti atqarýshy organ belgilegennen tys oryndarda saýda jasaý), 11 040-y 434-2-babyna (ortaq paıdalanylatyn oryndardy lastaý) qatysty boldy. Oǵan qosa 505-bapqa (qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý) sáıkes 12 722 quqyq buzýshylyq boıynsha kináliler jaýapqa tartyldy.

- 2025 jyly oblys ortalyǵynda 50 konteınerlik alań beınebaqylaý kameralarymen jabdyqtaldy. Kameralar BQO PD jedel basqarý ortalyǵyna jáne oblys ákimdigine qosyldy.

Sondaı-aq qoqys jáshikteriniń tolý deńgeıin jáne qaldyrylǵan zattardy anyqtaıtyn beınetaldaý qyzmetteri qarastyrylǵan. Zańsyz ornalastyrylǵan 183 stıhııalyq qoqys ornynyń 147-si joıyldy. Atalǵan quqyq buzýshylyqtardy joıý týraly usynym hat Oral qalasynyń ákimdigine joldanyp, belgilengen merzimde oryndalmaǵany úshin qorshaǵan orta salasyna jaýapty laýazymdy qyzmetker ákimshilik jaýapkershilikke tartyldy, - dep habarlady vedomstvodan. 

Eske sala keteıik, budan buryn BQO-da joldy kútip ustamaǵany úshin 77 laýazymdy qyzmetkerdiń jaýapqa tartylǵanyn jazǵan bolatynbyz.