Batys Qazaqstan oblysy aýyldarynda 16 jańa kóshege ataý berý kózdelip otyr
ORAL. KAZINFORM – Batys Qazaqstan oblysynyń birneshe aýylynda 16 jańa kóshege ataý berý josparlandy.
BQO mádenıet, tilderdi damytý jáne arhıv isi basqarmasynan málim etkenindeı, Aqjaıyq aýdany ortalyǵy Chapaev aýylynda 11 jańa kóshege ataý berilmekshi.
Sonymen qatar Qaratóbe aýdany Aqqozy aýyldyq okrýgi Qorjyn aýylynda 3, Tasqala aýdany ortalyǵy Tasqala aýylynda 2 jańa kóshege ataý berý boıynsha jumystar júrgizilip jatyr. Bulardyń bári de – ataýy joq jańa kósheler.
2024 jáne 2025 jyldary oblysta kóshe ataýlary ózgertilgen joq. Oǵan deıin 2022-2023 jyldary 171 kóshege jańa ataý berilgen edi.
Oral qalasy ákimdiginen alynǵan málimetke qaraǵanda, ótken jyly onomastıka jónindegi jumys toby otyrystarynda Jeńistiń 80 jyldyǵyna oraı otyz shaqty kóshege qatysty másele talqylanyp, usynystar jasaldy. Degenmen olardyń ataýyn ózgertý týraly sheshim qabyldanǵan joq.
Eske sala keteıik, budan buryn Batys Qazaqstanda Novopavlovka aýyly Qumaqsaı dep qaıta atalǵanyn jazǵan edik.