Batys Qazaqstanda 16 mektepte 37 synyp qashyqtan oqytýǵa aýystyryldy

ORAL. KAZINFORM — Batys Qazaqstan oblysynda bıylǵy 1 qazannan beri 46 226 adamnyń jedel respıratorlyq vırýstyq ınfektsııamen aýyrǵany tirkeldi.

BQO sanıtarııalyq-epıdemıologııalyq baqylaý departamentiniń baspasóz mamany Kenjegúl Muhıtovanyń málim etkenindeı, sonyń 32 771-i — 14 jasqa deıingi balalar. Sonyń ishinde 472-si 1 jasqa tolmaǵan. Sondaı-aq 93 júkti áıel JRVI-ǵa shaldyqty. 

— Eki aıda tumaýmen 116 adam syrqattanǵan, olardan A tıpiniń H3N2 vırýsy anyqtalǵan. Tumaýmen aýyrǵandar sany 31 paıyzǵa ósip otyr. Bulardyń 84-i — 14 jasqa deıingi balalar. 9-y — júkti áıelder, — dedi K.Muhıtova.

Onyń aıtýynsha, qazirgi tańda Batys Qazaqstan oblysynda 16 mektepte 37 synyp qashyqtan oqytýǵa aýystyryldy. Sonyń ishinde Oral qalasynda — 3 mektep, 6 synyp, 94 oqýshy. Báıterek aýdanynda — 9 mektep (23 synyp, 274 oqýshy).

Sonymen qatar Jańaqala aýdanynda 1 mektepte 1 synypqa (21 oqýshy), Terektide 1 mektepte 2 synypqa (9 shákirt), Aqjaıyqta 1 mektepte 3 synypqa (59), Syrymda 1 mektepte 2 synypqa (33) qashyqtan bilim berilip jatyr. 

BQO sanıtarlyq-epıdemıologııalyq baqylaý departamenti turǵyndardy saq bolýǵa, balalar men júkti áıelderdi qorǵaýǵa shaqyrady. Aldyn alý sharalaryn oryndaý arqyly vırýstyń taralýyn tómendetýge bolady. 

Eske sala keteıik, budan buryn Batys Qazaqstanda 75 adamnyń gonkong tumaýyna shaldyqqanyn jazǵan bolatynbyz.