Batys Qazaqstanda 1,3 mlrd teńgege memlekettik satyp alýdyń kúshi joıyldy

ORAL. KAZINFORM — Oral qalasy prokýratýrasynyń aktisimen jalpy somasy 1,3 mlrd teńgeni quraıtyn ortasha jol jóndeý boıynsha 5 konkýrsqa tosqaýyl qoıyldy.

BQO prokýratýrasynyń baspasóz qyzmetinen málim etkenindeı, oǵan dempıngke qarsy talaptardyń buzylýy negiz boldy. 

Oǵan sáıkes ortasha jol jóndeý kezinde áleýetti ónim berýshiniń baǵasy, eger ol tehnıkalyq qujattamada kórsetilgen baǵadan 5 paıyzdan astam tómen bolsa, dempıngtik baǵa dep tanylady.

«Alaıda, osyǵan qaramastan, Oral qalasynyń memlekettik satyp alý bólimi jol jóndeýge satyp alýdy uıymdastyrý kezinde dempıng belgisin 20 paıyzǵa (zańdy 5 paıyzben) negizsiz ósirdi. Bul áleýetti jetkizýshilerge dempınge qarsy baǵa usynystaryn usynyp, olardyń jeńiske jetýin qamtamasyz etti. Qadaǵalaý aktisi boıynsha 1,3 mlrd teńgeden astam somaǵa satyp alýlar joıylyp, zańnamaǵa sáıkestendirildi. Qabyldanǵan sharalar memlekettik satyp alýda kásipkerlik sýbektileri arasyndaǵy adal básekelestikti qalpyna keltirýge múmkindik berdi», dep habarlady vedomstvodan.