02:48, 06 Sáýir 2024 | GMT +6
Batys Qazaqstanda 10 aýyldyń adamdarymen qatynas úzildi
ORAL. KAZINFORM - Batys Qazaqstanda sý tasqynyna qarsy jumystar jalǵasyp jatyr.
Qazirgi ýaqytta sý shaıǵan 65 avtojol ýchaskesi baqylaýda.
Jergilikti atqarýshy organdar kólik qatynasynsyz qalǵan 10 aýylmen baılanys ornatyp, qajetti azyq-túlik jáne dári-dármek qoryn qurdy.
Oblys boıynsha barlyǵy 1020 myń tekshe metr erigen qar sýy soryldy.
219 myńnan astam qapshyq jáne 2700-den astam ınertti materıal tóseldi.
4 myńnan astam mal qaýipsiz jerge aıdaldy.
Terekti aýdanynyń Podstepnoe aýylynda 37 aýla aýmaǵy sý astynda qalyp otyr.
Sý burý jáne qapshyq tóseý jumystary júrgizildi.
Bul iske 430 adam, 86 tehnıka, 11 qaıyq jumyldyryldy.
Sonymen qatar sý tasqynyna qarsy sharalarǵa Mańǵystaý oblysynan kúsh-quraldar tartyldy.
