BQO-nyń tasqyn sýynan zardap shekken eldi mekenderde dezınfektsııalaý jumystary aıaqtaldy
ORAL. KAZINFORM – Ortalyqtandyrylǵan sý júıesinen sýdy zertteý jumystary júrgizildi. Sý tasqyny bastalǵannan beri barlyǵy 1625 sý synamasy zertteýge alyndy, onyń ishinde 817 synama mıkrobıologııalyq zertteýlerge jáne 808 synama sanıtarlyq-hımııalyq zertteýlerge alyndy.
Ortalyqtandyrylmaǵan sýmen jabdyqtaýdy zertteý úshin sanıtarlyq-mıkrobıologııalyq 17 synama jáne sanıtarlyq-hımııalyq zertteýlerge 17 synama alyndy.
Sýdyń sapasy men qaýipsizdigin zerthanalyq taldaý nátıjeleri alynǵan barlyq synamalarda juqpaly aýrýlardyń órshý qaýpiniń joqtyǵyn kórsetti.
Sý ketken aýdandardyń eldi mekenderinde, ıaǵnı Báıterek, Qaratóbe, Bórli, Terekti, Syrym aýdandaryndaǵy turǵyn úılerdi, sondaı-aq Qaztalov aýdanynyń sý basqan 2 sý qubyryn dezınfektsııalaý sharalary aıaqtalyp keledi, odan keıin sý saraptamasy júrgizildi.
Barlyǵy 724 turǵyn úı, 577 káriz, 3 sý qubyry (Syrym aýdany Qosaral aýylynyń 1 sý qubyry, Kaztalov aýdany Kaztalovka jáne Ájibaı aýylynyń 2 sý qubyry) dezınfektsııalandy.
Sý qubyrlaryn dezınfektsııalaýdan keıin aýyz sýdyń sapasy men qaýipsizdigine zerthanalyq baqylaý júrgizilip, onyń nátıjeleri normatıvke sáıkes ekendigi anyqtaldy.
Budan bólek, Oraldaǵy saıajaılarda dezınfektsııalaý jumystary sý ketken soń bastalady.
Aıta keteıik, epıdemııaǵa qarsy is-sharalardy jergilikti atqarýshy organdar júrgizedi jáne oblys ákiminiń tikeleı baqylaýynda.
