Batys Qazaqstan oblysynyń ákimi ardagerlerdi Jeńis kúnimen quttyqtady
ORAL. KAZINFORM — Bıyl ekinshi dúnıejúzilik soǵystyń aıaqtalǵanyna — 79 jyl.
9 mamyr Jeńis kúni Batys Qazaqstan oblysynyń ákimi Narıman Tóreǵalıev oblys ortalyǵyndaǵy «Jeńis» alańyna baryp, máńgilik alaýǵa gúl shoqtaryn qoıdy.
Іs-sharaǵa eńbek ardagerleri, quqyq qorǵaý salasynyń qyzmetkerleri, zııaly qaýym ókilderi, qoǵam belsendileri men jastar qatysty.
Jınalǵandar surapyl soǵys jyldarynda keýdesin otqa tosyp, beıbitshilik úshin kúresken batyrlarǵa taǵzym jasap, gúl shoqtaryn qoıdy.
Gúl shoqtaryn qoıý rásiminen soń, BQO ákimi Narıman Tóreǵalıev Oral qalasynda turatyn soǵys jáne eńbek ardagerleriniń úıine bardy.
Atap aıtqanda, Narıman Tóreǵalıev soǵys ardagerleri — Ivan Gapıchti, Venıamın Skalenkony jáne tyl ardageri — Aqbaı Jaısańdy Jeńis kúnimen quttyqtady.
Oblys ákimi soǵys ardagerlerine QR Prezıdenti Qasym-Jomart Kemeluly Toqaevtyń atynan quttyqtaý hattaryn tabys etti.
«Ardagerlerimizdiń uly erligin árbir qazaqstandyq qurmettep, este saqtaýy kerek. Sizderdiń arqalaryńyzda qazirgi urpaq beıbit kúnde ómir súrip jatyr. Ardagerlerge qamqorlyq kórsetý — bizdiń ortaq paryzymyz. Olarǵa qoldaý bildirý árqashan memlekettiń basty nazarynda bolady» -dedi oblys ákimi Narıman Tóreǵalıev.
Qazirgi ýaqytta Batys Qazaqstan oblysynda UOS-nyń 14 ardagerleri bar. Bıyl 9 mamyr qarsańynda olardyń árqaısysyna 1,5 mln.teńgeden áleýmettik kómek berildi.