Batys Qazaqstan oblysyndaǵy jol apatynan 2 adam kóz jumdy
ORAL. KAZINFORM — Jol-kólik oqıǵasy 19 jeltoqsan kúni Samara-Shymkent jolynyń 270-shaqyrymynda Terekti aýdany aýmaǵynda boldy.
BQO polıtsııa departamenti baspasóz qyzmetiniń habarlaýynsha, jolda VAZ-2112 avtokóliginiń júrgizýshisi rýlge ıe bola almaı, qarsy betke shyǵyp ketken. Sonyń kesirinen Volkswagen Passat kóligimen betpe-bet soqtyǵysqan.
— Jol apatynan VAZ-2112 avtokóliginiń júrgizýshisi men Volkswagen Passat jolaýshysy oqıǵa ornynda jan tapsyrdy. Volkswagen Passat avtokóliginiń júrgizýshisi men eki jolaýshysy túrli jaraqatpen aýrýhanaǵa jetkizildi. Atalǵan jol-kólik oqıǵaǵasyna baılanysty qylmystyq is qozǵalyp, tergeý amaldary júrgizilip jatyr, - dep habarlady vedomstvodan.
Eske sala keteıik, budan buryn Batys Qazaqstanda jol apatynan úsh adamnyń kóz jumǵanyn jazǵan bolatynbyz.