Batys Qazaqstan oblysynda jol ashyldy
ASTANA. KAZINFORM — QazAvtoJol Batys Qazaqstan oblysynda kólik qozǵalysy jandanǵanyn habarlady.
— 2026 jylǵy 1 aqpan saǵat 18:00-de respýblıkalyq mańyzy bar «Kaztalovka — Jánibek — RF shekarasy» avtojolynyń 0-158 shaqyrym aralyǵynda (Kaztalovka aýyly — Jánibek aýyly) kóliktiń barlyq túri úshin qozǵalys ashylady, - delingen habarlamada.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Aıta keteıik, búgin saǵat 11:00-de aýa raıynyń buzylýyna baılanysty respýblıkalyq mańyzy bar «Kaztalovka — Jánibek — RF shekarasy» 0-158 shaqyrym aralyǵynda (Kaztalovka aýyly — Jánibek aýyly) barlyq kólik túriniń qozǵalysyna shekteý engizilgen edi.
1 aqpanda eldegi qaı joldar jabyq ekenin jazǵan bolatynbyz.
