BQO-da jyldar boıy turyp qalǵan qurylys nysandarynyń máselesine núkte qoıyldy
ORAL. KAZINFORM - Batys Qazaqstan oblysynda 2020-2022 jyldary bastalyp, aıaqtalmaǵan 55 áleýmettik nysan tirkelgen bolatyn.
BQO ákimdiginiń baspasóz qyzmeti habarlaǵandaı,atalǵan nysandardyń turyp qalýyna merdigerlerdiń jaýapsyzdyǵy, qarjylandyrýdyń toqtap qalýy, qajetti materıaldardyń jetispeýshiligi jáne t.b jaǵdaılar sebep boldy.
Alaıda 2023-2024 jyldary nysandardyń qurylysy qaıta jandanyp, búgingi tańda 53 nysan salynyp bitti.
Atap óterligi, nysandardyń qatarynda turǵyn úıler, mektepter, sport keshenderi, sý qubyrlary jáne t.b boldy.
Batys Qazaqstan oblysynyń ákimi Narıman Tóreǵalıev merdigerlerdi jaýapqa tartyp, tıisti qarajat kózderin taýyp, máselege núkte qoıdy.
Máselen, BQO Tasqala aýdanynda shynyqtyrý-saýyqtyrý kesheni jáne Terekti aýdanynda úsh qabatty turǵyn úılerdiń qurylysy 2020 jyly bastalyp, 2022 jyly aıaqtalý kerek edi. Alaıda túrli sebepterge baılanysty qurylys jumystary toqtap qalǵan. Oblys ákiminiń tapsyrmasymen atalǵan másele boıynsha tıisti jumystar atqarylyp, bıyl nysandardyń qurylysy tolyqtaı aıaqtaldy.
BQO-da eki jyl ishinde mańyzdy salalarǵa 500-den astam tehnıka satyp alynǵanyn jazǵan bolatynbyz.
