Batys Qazaqstan oblysynda jer komıssııasy taratyldy
ORAL. KAZINFORM — Elimizde jer qatynastary salasyndaǵy rásimderdi ońtaılandyrý maqsatynda jer komıssııalary taratylyp, onyń qyzmeti tolyq tsıfrlyq formatqa kóshiriledi.
Osyǵan oraı BQO ákimdiginiń qaýlysymen oblystyq jer komıssııasynyń jumysy toqtatyldy.
BQO ákiminiń baspasóz qyzmetinen málim etkenindeı, sáıkesti is-sharalar óńir aýdandarynda da júrgizilip, atalǵan organdar taratylady.
Qazirgi tańda QR Aýyl sharýashylyǵy mınıstrligi jer telimderin elektrondy túrde ótkizýge múmkindik beretin jańa platforma ázirlep jatyr.
- Barlyq rásim avtomattandyrylǵan soń azamattar jerge qatysty memlekettik qyzmetterdi HQKO arqyly nemese elektrondy formatta ótinim berý jolymen ala alady. Úmitkerlerge komıssııa otyrystaryna qatysý nemese qosymsha qujat jınaý qajettiligi bolmaıdy, - delingen resmı aqparatta.
Ákimdik málimetine qaraǵanda, 2022-2025 jyldar aralyǵynda aımaqta paıdalanylmaı jatqan 751,3 myń gektar aýyl sharýashylyǵy jerleri memleket menshigine qaıtaryldy. Onyń 462,5 myń gektary konkýrstyq rásimder jáne halyqtyń jerge degen qajettiligin qanaǵattandyrý maqsatynda qaıta aınalymǵa engizildi.
Bıyl 60 myń gektar jerdi qaıtarý josparlanǵan. Barlyq is-shara qoldanystaǵy jer zańnamasyna sáıkes júzege asyrylady.
Eske sala keteıik, budan buryn Batys Qazaqstanda 122 myń gektar jerdiń paıdalanylmaı jatqany anyqtalǵanyn jazǵan edik.