Batys Qazaqstan oblysynda Jaıyq ózeniniń aǵysy báseńdedi

ORAL. KAZINFORM – Batys Qazaqstan oblysynda keıingi táýlikte Jaıyq ózenindegi sý deńgeıi sál-pál kóterilgeni baıqalady.

«Qazgıdromet» RMK BQO fılıalynyń dırektory Tilegen Shapanovtyń málim etkenindeı, transshekaralyq ózendegi sý deńgeıi Reseıdiń Orynbor qalasynda bir táýlikte 7 (425 sm), Elek aýdany tusynda 2 (493 sm) santımetrge tómendegen.

Onyń sózine qaraǵanda, Batys Qazaqstan oblysy Bórli aýdany Jarsýat aýylyndaǵy gıdrobekette sý deńgeıi keıingi táýlikte ózgermegen (494 sm). 

– Jaıyqtaǵy sý deńgeıi Báıterek aýdany ıAnvartsevte 436 (+2, qaýipti shegi – 1 myń sm), Oral qalasynda 358 (+4, 850 sm), Kóshimde 371 (-1), Aqjaıyq aýdany Mergen aýylynda 554 (+3), Taıpaqta 326 (+6) santımetrdi kórsetti. Basqa ózenderdiń aryny qaıtty. Orynbor oblysyndaǵy Irekli qoımasynan Jaıyqqa burynǵysha sekýndyna 15 tekshe metr sý jiberilip jatyr, - dedi T. Shapanov. 

Eske sala keteıik, budan buryn Irekli qoımasynan Jaıyqqa jiberiletin sý kólemi 15 tekshe metrge deıin azaıtylǵanyn jazǵan bolatynbyz.