Batys Qazaqstan oblysynda úsh aýdannyń ákimi saılandy

Batys Qazaqstan oblysynda úsh aýdannyń ákimi saılandy, dep habarlaıdy Kazinform. 

BQO aýmaqtyq saılaý komıssııasynan málim etkendeı, saılaýshylar tizimine engizilgen 28 897 saılaýshynyń 17 033-i daýys berýge qatysty.

Kandıdattardyń jalpy sany – 9.

Bókeı ordasy aýdany boıynsha Meırambek Ǵılmanov úshin 782, Nurlybek Daýmov úshin 4 660, Narynbek Keresh úshin 426 daýys berildi. Barlyǵyna qarsy belgisi bar bıýlletender sany – 178.

Qaratóbe aýdany boıynsha Qanat Muqanov úshin 557, Ermek Saıynov úshin 448, Qadyrjan Súıeýǵalıev úshin 4 329 daýys berildi. Barlyǵyna qarsy bıýlletender – 115.

Tasqala aýdany boıynsha Mels Nárikov úshin 1 032, Bekjan Toqjanov úshin 381, Talǵat Shákirov úshin 3 138 saılaýshy daýys berdi.

Barlyǵyna qarsy bıýlletender – 317.

Saılaý qorytyndysymen Nurlybek Jasqaıratuly Daýmov Bókeı ordasy, Qadyrjan Orynbasaruly Súıeýǵalıev Qaratóbe, Talǵat Asqaruly Shákirov Tasqala aýdanynyń ákimi bolyp saılandy.

1981 jyly týǵan N.Daýmov buǵan deıin de Bókeı ordasy, 1972 jylǵy Q.Orynbasarov Qaratóbe aýdanynyń ákimi boldy. 1973 jylǵy T.Shákirov buǵan deıin Tasqala aýdany ákiminiń orynbasary qyzmetin atqardy.

Eske sala keteıik, budan buryn BQO-nyń úsh aýdanynda saılaýshylar daýys berip jatqanyn jazǵan bolatynbyz.