Batys Qazaqstan oblysynda «Samuryq-Qazyna» qorynyń ekinshi kreatıvti haby ashylady
«Samruk-Kazyna Trust» qorynyń qoldaýymen Oral qalasynda zamanaýı kreatıvti hab ashylady. BQO-ǵa jumys sapary aıasynda «Samuryq-Qazyna» AQ basqarma tóraǵasy Nurlan Jaqypov oblys ákimi Narıman Tóreǵalıvpen birge «OzgeEpic Oral» kreatıvti ortalyǵynyń jóndeý jumystarymen jáne jobanyń jalpy júzege asý barysymen tanysty.
Jańa shyǵarmashylyq keńistik qaladaǵy mádenıet jáne jastar saraıynda boı kóteredi. Ǵımarattyń 1 qabatynda kontsert alańy, teatr, kınozal, qoǵamdyq kitaphana jáne ashana bolady. 2 qabatta galereıa, murajaı, dáris, kovorkıng, AІ zerthana, mýltımedııalyq kórme, óndiristik tseh jáne medıa tseh ornalasady.
Jańa kreatıvti habta oblys turǵyndary tálimgerlerdiń jetekshiligimen spektaklder, master-klasstar qoıýǵa, anımatsııa men dýblıaj jasaýǵa erkin qatysa alady. Osylaısha, shyǵarmashylyq jastardy túrli kontent daıyndaý jáne olardyń shyǵarmashylyq áleýetin damytýǵa arnalǵan ortalyq qurylady. Sonymen birge suranysqa ıe baǵyttar boıynsha 200 adam jańa mamandyqtarǵa oqytylady. BQO-da shyǵarmashylyq habtyń ashylýy kelesi jyldyń sońyna josparlanǵan.
«Memleket basshysy aımaqtarda shyǵarmashylyq ındýstrııa ortalyqtaryn ashýdy tapsyrǵan bolatyn. Bul bastama óńirdegi talantty jastardyń áleýetin ashýǵa múmkindik beredi. Sonymen qatar, kreatıvti habtar aımaq ekonomıkasynyń damýyna serpin ákeledi. «Samuryq-Qazyna» qory osy salany damytýdy qolǵa aldy. Máselen, byltyr Aqtóbe oblysyndaǵy kitaphana ǵımaraty ǵylym men kreatıv ortalyǵyna aınaldy. Búginde Oraldaǵy kreatıv habynyń jóndeý jumystary qarqyndy júrip jatyr. Samuryq-Qazyna» qoldaýymen osyndaı taǵy bir kreatıvti hab Soltústik Qazaqstan oblysynda ashylady», - dep atap ótti «Samuryq-Qazyna» AQ basqarma tóraǵasy Nurlan Jaqypov.
«Memleket basshysy óz Joldaýynda kreatıvti óndiris naǵyz ınklıýzıvti ekonomıkanyń damý kózi bolyp tabylatynyn atap ótti. «Samuryq-Qazyna» - nyń osy kreatıvti habty qurýǵa qosqan úlesi bizdiń óńir úshin zor mańyzǵa ıe. Bul joba shyǵarmashylyq ındýstrııanyń damýyna yqpal etip qana qoımaı, bizdiń jas talanttarymyz úshin jańa múmkindikter ashady. Sizderdiń qoldaýlaryńyzdyń arqasynda Batys Qazaqstan oblysy elimizdiń túkpir-túkpirinen kelgen kreatıvti adamdar úshin kreatıvti alańǵa aınalatynyna senimdimiz. Shyǵarmashylyq salany damytý - bolashaqqa salynǵan ınvestıtsııa, aldaǵy ýaqytta nátıjeler bolatynyna senimdimin», - dep atap ótti Narıman Tóreǵalıev.
Aıta keteıik, 2020 jyldan bastap BQO-da «Samruk-Kazyna Trust» qory jalpy somasy 1 mlrd 494 mln quraıtyn 16 áleýmettik jobaǵa qoldaý kórsetti.
